Breiðablik vonaðist eftir að saxa á forskot toppliðana með sigri í kvöld gegn ÍBV en urðu að láta sér jafntefli duga.
Lestu um leikinn: Breiðablik 1 - 1 ÍBV
„Mér fannst við alveg fá færi til þess að gera út um leikinn" sagði Damir Muminovic leikmaður Breiðabliks eftir leik í kvöld.
„Mér fannst við betri allan leikinn. Það var erfitt að brjóta þá niður. Þeir liggja aftarlega og gera það vel þannig það fór eins og það fór"
ÍBV komst yfir í leiknum en Damir vildi þó ekki endilega meina að þeir væru þannig lið að það væri verra að lenda undir á móti þeim.
„Nei nei ekkert þannig. Þeir eru góðir í því sem að þeir gera vel og bara virkilega vel gert hjá þeim"
Það er langt síðan Breiðablik vann leik í deildinni en Damir vill þó ekki meina að það sitji eitthvað í mönnum í Kópavoginum.
„Ég finn allavega ekkert fyrir því. Við erum með einhver 34 stig og átta stig í efstu sætin. Við þurfum að taka gamla góða einn leik í einu núna. Úrslitakeppnin fer að byrja og ég hlakka til. Nóg af stigum í boði"
Breiðablik eru að dragast aftur úr ekki bara titilbaráttu en einnig Evrópubaráttu eins og staðan er núna en þrátt fyrir það er enginn skjálfti í hópnum.
„Nei, sýnist þér það á mér? Það er enginn skjálfti. Við bara hlökkum til að fara í úrslitakeppnina"
Nánar er rætt við Damir Muminovic í spilaranum hér fyrir ofan.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 22 | 12 | 6 | 4 | 47 - 27 | +20 | 42 |
| 2. Valur | 22 | 12 | 4 | 6 | 53 - 35 | +18 | 40 |
| 3. Stjarnan | 22 | 12 | 4 | 6 | 43 - 35 | +8 | 40 |
| 4. Breiðablik | 22 | 9 | 7 | 6 | 37 - 35 | +2 | 34 |
| 5. FH | 22 | 8 | 6 | 8 | 41 - 35 | +6 | 30 |
| 6. Fram | 22 | 8 | 5 | 9 | 32 - 31 | +1 | 29 |
| 7. ÍBV | 22 | 8 | 5 | 9 | 24 - 28 | -4 | 29 |
| 8. KA | 22 | 8 | 5 | 9 | 29 - 39 | -10 | 29 |
| 9. Vestri | 22 | 8 | 3 | 11 | 23 - 28 | -5 | 27 |
| 10. KR | 22 | 6 | 6 | 10 | 42 - 51 | -9 | 24 |
| 11. ÍA | 22 | 7 | 1 | 14 | 26 - 43 | -17 | 22 |
| 12. Afturelding | 22 | 5 | 6 | 11 | 29 - 39 | -10 | 21 |
