Hörður Björgvin Magnússon spilaði allan leikinn í vörn íslenska liðsins sem tapaði fyrir Sviss í kvöld.
Lestu um leikinn: Ísland 1 - 2 Sviss
„Svekkjandi að hafa ekki skorað mark á þessum tíu mínútum. Við gáfum þeim ódýr mörk sem kostuðu okkur í dag. Við áttum skilið að fá allavega stig."
„Auðvitað hjálpaði til að fá mark frá Alfreði og það gaf okkur orku. Við vorum óheppnir að skora ekki allavega tvö mörk."
Hörður Björgvin var í baráttunni í fyrra marki Íslands og viðurkennir að hann hafi getað gert betur.
„Þetta var góð sending og góður skalli, ég reyndi að fara upp í hann. Auðvitað getur maður alltaf gert betur. Ég tek þetta á bakið á mér og ég þarf að skoða það hvernig þetta gerðist. Maður lærir af þessu."
„Við erum alltaf að verða betri og betri. Við höfum verið að fá Alfreð og Jóa til baka. Við sýnum karakter og áttum að vinna Frakkana. Við gátum strítt Sviss í dag, en því miður náðum við ekki neinu út úr leiknum."
Athugasemdir