KA sótti þrjú stig á Akranes í Pepsi Max-deildinni í kvöld. KA-menn eru á miklu flugi í Pepsi Max-deildinni.
Undir lok leiksins sauð allt upp úr þegar Óttar Bjarni Guðmundsson, fyrirliði ÍA, fór illa í Hallgrím Mar Steingrímsson, leikmann KA.
Tæklingin var vægast sagt skelfileg.
„Rauða spjaldið sem Óttar Bjarni fær. Ætlar að pota boltanum frá Hallgrími Mar en Hallgrímur er fljótari í boltann og fer því með takkana í klofið á honum. Réttilega rautt spjald og svo sauð allt uppúr í kjölfarið," skrifaði Haraldur Örn Haraldsson í skýrslu sinni.
„Óttar, annars þessi gæðapiltur, er alltof seinn þarna og hátt uppi með fótinn. Þetta lítur virkilega illa út og hárréttur dómur," sagði Jón Þór Hauksson í Stúkunni á Stöð 2 Sport.
Hallgrímur Mar deildi myndbandi af tæklingunni á Twitter í kvöld en myndbandið má sjá hér að neðan.
Pungur pungur pungur, vasapungur, innan á pungur, tvöfaldur pungur, pungur pungur pungur, buxnapungur.. pic.twitter.com/b8NVlHWiEU
— Hallgrímur Bergmann (@hallgrimurmar10) June 16, 2021
Athugasemdir