Rúnar Kristinsson, þjálfari KR, var að vonum ánægður eftir 5-2 sigur sinna manna gegn Fylki í Egilshöllinni í kvöld. KR byrjaði leikinn af miklum krafti og voru komnir í 2-0 eftir sjö mínútna leik.
„Við vorum frábærir í byrjun. Við náum að troða inn tveimur mörkum mjög snemma og spiluðum bara frábærlega." sagði Rúnar eftir leik.
„Við vorum frábærir í byrjun. Við náum að troða inn tveimur mörkum mjög snemma og spiluðum bara frábærlega." sagði Rúnar eftir leik.
Rúnar fékk gult spjald í seinni hálfleik en hann var ósáttur við dómgæslu Þórodds stóran hluta leiks.
„Þetta var bara pjúra aukaspyrna sem að þeir sleppa. Það er stuttur í manni þráðurinn stundum en maður er fljótur að róa sig. Þetta er fyrsta spjaldið mitt í sumar og ég vona að ég fái ekki fleiri. Það er ekki gott ef að þjálfarinn er að æsa uppí mönnum." sagði Rúnar léttur í bragði.
Félagsskiptaglugginn opnaði í gær og segir Rúnar að möguleiki sé á breytingum á hópnum sínum.
„Við erum að skoða ýmislegt en þetta tekur allt sinn tíma. En það er ekkert sem þolir dagsbirtuna núna en vonandi fáum við einhverja styrkingu í þessum glugga." sagði Rúnar að lokum.
Athugasemdir