„Æfði ekki í dag því þeir spörkuðu svo oft í hann“

„Cole er tæpur fyrir leikinn. Þeir spörkuðu svo oft í hann að hann gat ekki æft í dag. Við vitum ekki hvort hann geti æft um helgina," segir Maresca en Palmer hefur verið einn besti leikmaður tímabilsins, er með 14 mörk í 21 leik.

Trevoh Chalobah er klár í slaginn eftir að hafa verið kallaður til baka úr láni hjá Crystal Palace vegna meiðsla varnarmanna liðsins.

Mykhailo Mudryk hefur ekkert komið við sögu hjá Chelsea eftir að hafa fallið á lyfjaprófi. Mudryk heldur fram sakleysi sínu og segist ekki hafa meðvitað tekið lyf á bannlista.

„Það er enn rannsókn í gangi og ég veit ekki hvenær málin komast á hreint. Við sem félag höldum utan um Mykhailo og reynum að hjálpa honum. Ég hef engar nýjar fréttir," svaraði Maresca þegar hann var spurður út í stöðu mála hjá úkraínska landsliðsmanninum.