Bjarni Ólafur ræðir við Sigurbjörn Hreiðarsson á æfingu í Þrándheimi í gær.
Reynsluboltinn Bjarni Ólafur Eiríksson er ekki að fara að spila á heimavelli Rosenborg í fyrsta sinn þegar Valsmenn heimsækja völlinn, Lerkendal leikvanginn, á morgun.
Þetta verður seinni viðureign Rosenborgar og Vals en Íslandsmeistararnir leiða einvígið eftir 1-0 sigur á Hlíðarenda í síðustu viku.
Þetta verður seinni viðureign Rosenborgar og Vals en Íslandsmeistararnir leiða einvígið eftir 1-0 sigur á Hlíðarenda í síðustu viku.
„Það er kærkomið að komast í hita og sól og frábærar aðstæður," sagði Bjarni við Fótbolta.net eftir æfingu í gær.
„Ég hef spilað á þessum velli nokkrum sinnum. Það er frábær stemning á þessum mjög flottum velli. Rosenborg er yfirleitt með frábært lið og þannig er það núna. Við búumst við allt öðruvísi leik en heima."
Bjarni segir að það sé engin spurning að mikil pressa verði á Rosenborg að klára dæmið á morgun.
„Það var talað um það í norsku pressunni að það væri skandall að þeir hefðu tapað þessum fyrri leik. Þeir mæta örugglega alveg brjálaðir á sínum heimavelli. Þeir eru örugglega sigurvissir þrátt fyrir tapið í hinum leiknum," segir Bjarni.
„Við þurfum að halda áfram að trúa því sem við byrjuðum á í fyrri leiknum. Með réttu leikskipulagi er allt hægt. Rosenborg kemur væntanlega til með að pressa okkur helvíti hátt. Við þurfum að byrja þetta af krafti og þora að spila boltanum."
Sjáðu viðtalið í heild í sjónvarpinu hér að ofan.
Athugasemdir
