Brendan Rodgers og lærisveinar hans í Leicester City hafa farið hrikalega illa af stað á nýju úrvalsdeildartímabili og töpuðu 6-2 gegn Tottenham í dag. Það virtist ekki vera svakalegur munur á liðunum en þrenna frá Son Heung-min, sem kom inn af bekknum í seinni hálfleik, gerði gæfumuninn að lokum.
Leicester vermir botnsæti ensku úrvalsdeildarinnar, afar óvænt, með eitt stig eftir sjö umferðir og -12 í markatölu. Það er versta byrjun félagsins á deildartímabili síðan 1983.
Það eru taldar miklar líkur á því að Rodgers verði næsti knattspyrnustjóri til að fjúka en hann hefur verið við stjórnvölinn hjá Leicester í þrjú og hálft ár.
„Ég hef fulla trú á að við munum komast yfir þennan erfiða kafla. Það sást á strákunum í dag að þeir eru með sjálfstraust, frammistaðan var mjög góð á köflum. Ég mun berjast fyrir starfinu mínu en ég skil vel að sex tapleikir í röð eru ekki góðs viti fyrir neinn í þessum geira. Ég skil að stuðningsmenn séu ósáttir," sagði Rodgers að leikslokum.
„Hvað sem gerist þá mun ég alltaf bera mikla virðingu fyrir eigendunum. Þeir hafa sýnt mér mikinn stuðning og hvað sem gerist þá mun ég sýna þeim virðingu, hvort sem ég verð hérna áfram til að reyna að snúa genginu við eða ekki."
Leicester sýndi flotta takta í fyrri hálfleik en var refsað fyrir slæman varnarleik í föstum leikatriðum og var staðan 2-2 í leikhlé eftir tvö hornspyrnumörk Tottenham. Í seinni hálfleik réðu gestirnir engan veginn við Son og steinlágu að lokum.
„Fólk mun skoða lokatölurnar og hugsa með sér að Leicester hafi verið rassskelldir aftur en ég er ekki sammála því. Við spiluðum frábæran fyrri hálfleik en vorum ekki nógu góðir í seinni hálfleik. Leikmenn verða að axla ábyrgð, þetta er ekki bara stjóranum að kenna," sagði James Maddison, sem var besti maður Leicester í dag, að leikslokum.
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 38 | 26 | 7 | 5 | 71 | 27 | +44 | 85 |
| 2 | Man City | 38 | 23 | 9 | 6 | 77 | 35 | +42 | 78 |
| 3 | Man Utd | 38 | 20 | 11 | 7 | 69 | 50 | +19 | 71 |
| 4 | Aston Villa | 38 | 19 | 8 | 11 | 56 | 49 | +7 | 65 |
| 5 | Liverpool | 38 | 17 | 9 | 12 | 63 | 53 | +10 | 60 |
| 6 | Bournemouth | 38 | 13 | 18 | 7 | 58 | 54 | +4 | 57 |
| 7 | Sunderland | 38 | 14 | 12 | 12 | 42 | 48 | -6 | 54 |
| 8 | Brighton | 38 | 14 | 11 | 13 | 52 | 46 | +6 | 53 |
| 9 | Brentford | 38 | 14 | 11 | 13 | 55 | 52 | +3 | 53 |
| 10 | Chelsea | 38 | 14 | 10 | 14 | 58 | 52 | +6 | 52 |
| 11 | Fulham | 38 | 15 | 7 | 16 | 47 | 51 | -4 | 52 |
| 12 | Newcastle | 38 | 14 | 7 | 17 | 53 | 55 | -2 | 49 |
| 13 | Everton | 38 | 13 | 10 | 15 | 47 | 50 | -3 | 49 |
| 14 | Leeds | 38 | 11 | 14 | 13 | 49 | 56 | -7 | 47 |
| 15 | Crystal Palace | 38 | 11 | 12 | 15 | 41 | 51 | -10 | 45 |
| 16 | Nott. Forest | 38 | 11 | 11 | 16 | 48 | 51 | -3 | 44 |
| 17 | Tottenham | 38 | 10 | 11 | 17 | 48 | 57 | -9 | 41 |
| 18 | West Ham | 38 | 10 | 9 | 19 | 46 | 65 | -19 | 39 |
| 19 | Burnley | 38 | 4 | 10 | 24 | 38 | 75 | -37 | 22 |
| 20 | Wolves | 38 | 3 | 11 | 24 | 27 | 68 | -41 | 20 |
