„Það hrikalega skemmtilegt og ég er nokkuð sáttur með okkar leik," sagði Jón Guðni Fjóluson, varnarmaður íslenska landsliðsins, um leikinn gegn Belgíu í Þjóðadeildinni síðastliðinn fimmtudag.
Ísland tapaði leiknum 2-0 eftir að hafa varist mjög vel framan af. Jón Guðni átti prýðisleik í vörninni hjá Íslandi.
Ísland tapaði leiknum 2-0 eftir að hafa varist mjög vel framan af. Jón Guðni átti prýðisleik í vörninni hjá Íslandi.
Ísland spilaði með þriggja manna varnarkerfi í leiknum.
„Við æfðum þetta ekki mikið fyrir leiknum en við náðum vel saman. Það var þarna í tvö skipti þar sem við misstum einbeitingu en annars var þetta mjög fínt."
„Allt liðið var mjög þétt og við unnum þetta vel. Við vissum það fyrir leikinn að við værum ekki að fara að spila neinn sambabolta en erum tilbúnir í þetta, að leggja mikið í varnarleikinn og það tókst mjög vel."
Framundan er vináttulandsleikur gegn Katar á mánudaginn.
„Ég spilaði gegn Katar fyrir ári, það var ekki frábær leikur en það er kominn tími á sigur. Það eru allir fókuseraðir á það að ná í einn sigur loksins."
„Katar er með fína fótboltamenn og þeir geta alveg spilað fótbolta. Þetta verður ekki auðveldur leikur."
Viðtalið er í heild sinni hér að ofan.
Athugasemdir