Gylfi Þór Sigurðsson skoraði sigurmark Íslands, en hann klúðraði einnig vítaspyrnu þegar Ísland vann Moldóvu 2-1 í lokaleik liðsins í undanriðlinum fyrir EM.

Lestu um leikinn: Moldóva 1 -  2 Ísland

„Þetta er óþolandi, mjög pirrandi," sagði Gylfi um vítaspyrnuklúðrið sitt.

„Þetta var í fullkomni hæð fyrir hann. Ég klikka ekki á næsta víti."

Um frammistöðuna í riðlinum sagði Gylfi: „Ef þú hefðir boðið mér 19 stig fyrir riðilinn, þá hefði ég tekið það. Að öllu jöfnu þá myndi maður halda að það væri nóg til að tryggja sig áfram. Ég held að það séu ekki mörg lið með 19 stig og ekki á leiðinni beint á EM."

„Við bjuggumst við því að Frakkarnir myndu taka yfir riðilinn og stinga af. Að vinna Tyrkina heima og jafntefli úti var það sem lögðum upp með. Heilt yfir var þetta ekki svo slæmt."

Ísland fer í umspilið í mars.

„Okkur er strax byrjað að hlakka til. Við bíðum spenntir eftir að þessi undankeppni klárist svo við sjáum hvaða lið við fáum. Það er öruggt að við fáum fyrsta leik heima. Við verðum bara að halda okkar gengi á heimavelli áfram."

Viðtalið er í heild sinni hér að ofan.

Sjá einnig:
Vítaspyrnusamanburður á Gylfa, Ronaldo og Messi

Tweet

Senda a Facebook Hafdu samband Senda frétt Prenta frétt Frétta leit