Bríet Fjóla Bjarnadóttir í fyrsta leik sínum með Þór/KA
Bríet Fjóla Bjarnadóttir varð á dögunum yngsti leikmaður til að spila í efstu deild á þessari öld þegar hún kom inn á í 3-2 sigri Þórs/KA á Breiðabliki í Bestu deild kvenna.
Bríet er aðeins 13 ára gömul en hún fagnar ekki 14 ára afmæli sínu fyrr en í byrjun næsta árs.
Hún spilaði síðustu mínúturnar í sigri Þórs/KA og kom sér um leið í sögubækurnar.
Aðeins fjórum dögum síðar fagnaði hún Íslandsmeistaratitlinum með 4. flokki KA. Liðið vann Gróttu eftir vítakeppni þar sem Bríet gerði eina mark KA eftir venjulegan leiktíma áður en það vann 2-0 sigur á FH/ÍH í úrslitum í gær. Bríet skoraði fyrra mark KA í þeim leik.
Liðið lenti þá í öðru sæti á sænska fótboltamótinu Gothia-Cup.
Liðið getur kórónað frábæran árangur sinn í sumar á miðvikudag þegar það mætir Gróttu/KR í úrslitum bikarsins, en sá leikur er spilaður á Greifavelli á Akureyri.
Framtíðin er björt í kvennaboltanum fyrir norðan, það er deginum ljósara.
Sjá einnig:
13 ára spilaði í sigri á Blikum - Sú yngsta á þessari öld
KA er Íslandsmeistari í 4. flokki kvenna í knattspyrnu eftir frábæran 2-0 sigur á FH í úrslitaleik!
— KA (@KAakureyri) September 17, 2023
Stelpurnar geta kórónað stórkostlegt sumar á miðvikudaginn þegar þær leika til bikarúrslita!
Fyrr í sumar sóttu þær silfur á gríðarlega sterku Gothia Cup í Svíþjóð #LifiFyrirKA pic.twitter.com/7iWFZhE0BS
Athugasemdir
