Davíð Örn Atlason fékk víti og skoraði mark sem setti lið hans Víking á sigurbrautina gegn ÍA í kvöld.
„Þetta var fullkomið kvöld í Víkinni og ekki leiðinlegt að skora sjálfur. Ég er búinn að skora tvö í sumar en hafði ekki skorað síðustu tvö ár og það er bara gaman."
„Þetta var fullkomið kvöld í Víkinni og ekki leiðinlegt að skora sjálfur. Ég er búinn að skora tvö í sumar en hafði ekki skorað síðustu tvö ár og það er bara gaman."
Lestu um leikinn: Víkingur R. 6 - 2 ÍA
Davíð hefur fengið mikið frjálsræði í leikkerfum Víkinga í sumar, virkar á stundum sem kantmaður.
„Ég hef fengið frjálsræði á vængnum en ég bý auðvitað vel af því að vera vel bakkaður upp af miðjumönnunum okkar. Þetta flexible og bara gaman af þessu."
„Það skiptir mjög miklu máli að ná að tengja saman sigurleiki og við Halldór Smári höfum verið að tala um það að við höfum í gegnum minn feril hér ekki unnið marga leiki með meira en einu marki. Við erum að læra að loka leikjum betur!"
Davíð sjálfur hefur átt flott Íslandsmót og stuðningsmenn Víkinga eru farnir að kalla eftir því að hann fái landsliðssæti. Hvað finnst honum sjálfum um það?
„Það er gott að hugsað sé til manns í þeirri umræðu. Það er klárlega eitthvað sem ég horfi til, ég veit að fylgst er með mér, þetta snýst bara um að standa sig inni á vellinum og vonandi kemur kallið einhvern tíma."
Nú er Sölvi Ottesen að koma inn eftir sitt langa bann, hvernig hefur það verið fyrir leikmenn Víkings að vinna sig úr skugga KR-leiksins og þess róts í liðsuppstillingum frá þeim tíma?
„Ég er orðinn þreyttur á þessum KR-leik. Klipparinn minn ákvað að gera mér greiða og ræða ekkert um leikinn, í brúðkaupi í gær kom að mér maður sem minnti mig á þennan KR-leik. Við höfum nú með þessum tveim sigrum vonandi kvatt þá umræðu. Sölvi þarf svo að vinna fyrir því að komast í liðið og ég verð að minnast á það að Viktor hefur komið þvílíkt sterkt inn í þessum tveimur leikjum."
Nánar er rætt við Davíð í viðtalinu sem fylgir.
Athugasemdir
