Kolbeinn í leiknum í kvöld.
„Það var mjög ljúft að sjá boltann í netinu," sagði Kolbeinn Sigþórsson eftir að hafa skorað í vináttulandsleik Íslands og Katar í Belgíu í kvöld.
Kolbeinn skoraði úr vítaspyrnu þegar rúmar 10 mínútur voru liðnar af síðari hálfleik.
Kolbeinn skoraði úr vítaspyrnu þegar rúmar 10 mínútur voru liðnar af síðari hálfleik.
Lestu um leikinn: Katar 2 - 2 Ísland
Þetta var fyrsta landsliðsmark Kolbeins síðan á Evrópumótinu 2016 og jafnframt hans fyrsti byrjunarliðsleikur með landsliðinu síðan á EM. Hann er núna aðeins þremur mörkum frá því að jafna markamet Eiðs Smára Guðjohnsen.
„Það var frábært fyrir mig að ná að skora eftir allan þennan tíma í burtu," sagði Kolbeinn sem hefur verið mikið frá vegna meiðsla.
„Ég ákvað að taka vítið einfalt, í vinstra hornið öruggt. Er ekki betra að vera öruggur?"
„Það er frábært fyrir mig að fá tækifæri hérna. Þeir eru að gefa mér tækifæri á að koma og vera með, að byggja mig upp og hjálpa mér í minni stöðu. Ég kann ómetanlega mikið að meta þetta. Vonandi finn ég mér lið í janúar."
Kolbeinn hefur verið í kuldanum hjá Nantes í Frakklandi og bara verið að æfa með varaliðinu þar.
„Það hjálpar mér mikið að hafa skorað í dag. Mér líður vel í líkamanum og það er ekkert að hrjá mig. Vonandi get ég byrjað að spila í janúar."
Viðtalið við hann er í heild sinni hér að ofan.
Athugasemdir
