Sandra María er ánægð með undirbúning íslenska liðsins fyrir stórleikinn gegn Þýskalandi
Landsliðskonan Sandra María Jessen er spennt fyrir að mæta Þýskalandi í undankeppni HM. Fótbolti.net náði tali af henni fyrir æfingu íslenska landsliðsins á Brita-leikvanginum í gær.
„Ég er rosalega vel stemmd eins og allt liðið. Það er búið að ganga mjög vel. Hótelið og umgjörðin eru til fyrirmyndar. Það boðar gott fyrir morgundaginn.“
„Ég er rosalega vel stemmd eins og allt liðið. Það er búið að ganga mjög vel. Hótelið og umgjörðin eru til fyrirmyndar. Það boðar gott fyrir morgundaginn.“
Íslenska liðið hefur æft og fundað síðan það lenti í Þýskalandi á mánudag.
„Þetta er að sjálfsögðu rosalega mikið af upplýsingum en það þarf að gera þetta svona til að greina góð knattspyrnulið. Við erum búin að gera allt sem að við getum gert til að undirbúa okkur vel fyrir leikinn. Við erum búin að æfa vel og næra okkur vel. Þjálfararnir og teymið í kringum liðið er búið að sjá rosalega vel um okkur og greina andstæðingana. Ég held að þetta sé allt klárt,“ sagði Sandra María sem þekkir til í Þýskalandi eftir að leikið með Bayern Leverkusen vorið 2016.
„Það var rosalega skemmtileg upplifun. Það var í fyrsta skipti sem að ég spila einhvers staðar annarsstaðar en í mínu liði, Þór/KA. Það var reynsla og upplifun fyrir mig. Kannski svolítið öðruvísi. Þetta er náttúrulega þjóð sem leggur mikið upp úr því að æfa stíft og hart og mikið. Ég fann það að ég bætti minn leik á þessum mánuðum sem að ég var hjá þeim. Þetta er klárlega góð fótboltaþjóð og ég er rosalega stolt af þeirri reynslu sem að ég fékk í Þýskalandi.“
Nánar er rætt við Söndru Maríu í sjónvarpinu hér að ofan.
Athugasemdir
