Þýskaland um helgina - Samúel Kári kíkir til München

Mynd: Getty Images

Þýska helgin fer af stað strax í kvöld þegar FC Bayern tekur á móti nýliðum Paderborn. Bayern trónir á toppi deildarinnar með eins stigs forskot á RB Leipzig.

Paderborn situr á botni deildarinnar, sex stigum frá öruggu sæti, og er Samúel Kári Friðjónsson meðal leikmanna liðsins. Hann var keyptur í janúar en hefur ekki enn fengið tækifæri með aðalliðinu.

Erling Braut Haaland hefur farið gífurlega vel af stað hjá Borussia Dortmund og skoraði hann bæði mörkin í 2-1 sigri gegn PSG í vikunni. Dortmund heimsækir Werder Bremen á morgun og þarf sigur í titilbaráttunni, liðið er fjórum stigum frá toppsætinu.

Borussia Mönchengladbach fær þá Hoffenheim í heimsókn í Evrópuslag áður en Schalke og RB Leipzig mætast í síðasta leik laugardagsins.

Leipzig er í öðru sæti, einu stigi eftir Bayern, og ríkir góður mórall í hópnum eftir góðan sigur á útivelli gegn Tottenham í vikunni. Schalke er í Evrópubaráttunni.

Alfreð Finnbogason og félagar í Augsburg heimsækja Bayer Leverkusen á sunnudaginn. Alfreð er kominn úr meiðslum og hefur byrjað síðustu tvo leiki Augsburg, sem siglir lygnan sjó um miðja deild.

Wolfsburg mætir svo Mainz á sunnudaginn en síðasti leikur umferðarinnar fer fram á mánudaginn, þegar Eintracht Frankfurt tekur á móti nýliðum Union Berlin.

Föstudagur:
19:30 FC Bayern - Paderborn

Laugardagur:
14:30 Hertha Berlin - Köln
14:30 Werder Bremen - Dortmund
14:30 Gladbach - Hoffenheim
14:30 Freiburg - Dusseldorf
17:30 Schalke - RB Leipzig

Sunnudagur:
14:30 Leverkusen - Augsburg
17:00 Wolfsburg - Mainz

Mánudagur:
19:30 Frankfurt - Union Berlin

Bundesliga - karlar

#	Lið	L	mun	Stig
1	Bayern	6	+17	14
2	Dortmund	6	+7	14
3	Freiburg	6	+9	13
4	Leverkusen	6	+7	13
5	Mainz	6	+4	10
6	Elversberg	6	+1	10
7	RB Leipzig	6	+5	9
8	Werder	6	0	9
9	Hamburger	6	-9	9
10	Augsburg	6	+4	8
11	Frankfurt	6	-6	8
12	Köln	6	-3	7
13	Stuttgart	6	-2	6
14	Hoffenheim	6	-3	6
15	Schalke 04	6	-3	5
16	Paderborn	6	-4	5
17	Union Berlin	6	-12	5
18	Gladbach	6	-12	0