Spánn: Isak með þrennu í sigri á Alaves

Real Sociedad og Alaves mættust í spænsku úrvalsdeildinni í dag og er skemmst frá því að segja að heimamenn áttu ekki í neinum vandræðum með fallkandídatana.

Aleksander Isak gerði þrennu á 21. mínútna kafla og gekk gjörsamlega frá leiknum. Cristian Portu tókst einnig að komast á blað en hann skoraði þegar um korter var eftir af leiknum.

Flott svar hjá Sociedad í dag en liðið tapaði illa gegn Manchester United í 32-liða úrslitum Evrópudeildarinnar í miðri síðustu viku.

Eftir leikinn er Sociedad í fimmta sæti deildarinnar en Alaves í því sextánda.