Glódís er fyrirliði Bayern München.
„Þetta kom mér á óvart. Ég bjóst ekki við þessu," sagði Glódís Perla Viggósdóttir, landsliðsfyrirliði, er hún sat fyrir svörum á fréttamannafundi í dag.
Hún var þá að tala um útspil Bayern München í gær er félagið tilkynnti nýjan samning hennar með auglýsingu í verslun félagsins í München.
Hún var þá að tala um útspil Bayern München í gær er félagið tilkynnti nýjan samning hennar með auglýsingu í verslun félagsins í München.
Glódís var orðuð við Arsenal í sumar en hún ætlar að vera áfram hjá Bayern og það eru fréttir sem stuðningsmenn félagsins eru gríðarlega ánægðir með. Þetta eru stórar fréttir fyrir stórveldið frá Bæjaralandi.
Eftir að það var tilkynnt að hún væri búin að skrifa undir nýjan samning þá mátti sjá stóra auglýsingu um það í opinberri verslun félagsins í München en þetta er í fyrsta skipti þar sem leikmaður kvennaliðs félagsins fær svona auglýsingu eftir framlengingu á samningi.
„Þetta var gæsahúðaraugnablik og ég hugsa að litla ég hefði verið ótrúlega stolt af þessu, að þau væru að gera þetta. Þetta er ekki bara fyrir mig heldur fyrir kvennafótbolta yfir höfuð, að þau séu að setja þennan metnað í að kynna leikmennina sína og búa til áhuga í kringum það sem fær fólk á völlinn."
„Þetta býr til áhuga og umtal, allt sem við viljum," sagði Glódís jafnframt.
Sirka það svalasta sem ég hef séð https://t.co/VyL40MRyoF
— Kristófer Eggertsson (@kristoferegg) September 20, 2023
Athugasemdir
