Franski sóknarmaðurinn Randal Kolo Muani viðurkennir að hann hugsi enn um dauðafærið sem hann fékk undir blálokin í úrslitaleiknum á HM í Katar.
Staðan var 3-3 þegar Kolo Muani slapp einn í gegn undir lokin. Emiliano Martinez, markvörður Argentínu, varði hins vegar ótrúlega vel frá framherjanum.
Argentína vann í vítaspyrnukeppninni og varð heimsmeistari.
„Þetta hefði getað breytt lífi mínu," sagði Kolo Muani við L'Equipe en hann er núna mættur aftur í landsliðsverkefni í fyrsta sinn eftir úrslitaleikinn á HM.
„Auðvitað hefði ég viljað setja boltann í netið en þetta gerðist og svona er lífið. Þetta gefur mér hugrekki til að halda áfram og setja boltann næst í markið. Ég mun ekki gleyma þessu, ég viðurkenni það alveg."
Athugasemdir