Lestu um leikinn: Grótta 4 -  1 Magni

Fótbolti.net spjallaði við Óskar eftir leik og spurði hann út í leikinn.

„Við kláruðum þetta svo sem í fyrri hálfleik og jújú ég ætla ekki að kvarta."

Axel Sigurðarson einn af lykilmönnum Gróttu á þessu tímabili var ekki í hóp í kvöld og var Óskar spurður út í stöðu hans.

„Hann er bara meiddur á ökkla og við munum reyna að koma honum á lappir og við stefnum á að hann spili á móti Aftureldingu."

Óskar var líka spurðu út í stöðu Gróttu í deildinni og hvort það sem er búið af tímabilinu hafi farið framúr væntingum.

„Við höfum bara horft á hvern leik fyrir sig eins mikil klisja og það er nú en við erum fyrst og fremst að bæta okkur en þetta lið þarf að þroskast," sagði Óskar. „En ef það tekst ekki þá erum við ekki að vinna vinnuna okkar."

Grótta mæti Aftureldingu í næstu umferð og er tveim stigum á eftir Þór sem er í fyrsta sæti.