„Mér fannst leikurinn flottur af okkar hálfu. Einn af okkar bestu leikjum í sumar, fullt af færum sem við vorum að skapa og skorum tvö mörk en fáum á okkur tvö mörk eftir aukaspyrnur sem voru vafaatriði svo ég er bara rosalega svekktur fyrst og fremst með niðurstöðuna.“

Sagði Tufa þjálfari Grindavíkur en 2-2 jafntefli liðs hans í dag þýðir að Grindavík er endanlega fallið úr deildinni þótt það hafi legið í loftinu í talsverðan tíma.

Lestu um leikinn: Grindavík 2 -  2 Valur

Grindavík fékk fjölmörg færi á lokamínútum leiksins en inn vildi boltinn ekki sem hefur verið saga þeirra í sumar.

„Ég hef sagt þetta oft í sumar að í 11 jafnteflisleikjum gátu að minnsta kosti 5 ef ekki 6 endað okkar megin og það væru sanngjörn úrslit að við værum að klára þá með sigri. En það gerðist ekki og yfirleitt þegar lið er að ströggla svona þá detta svona hlutir aldrei með liðinu.“

Tufa sem tók við Grindavík fyrir tímabilið eftir að hafa komið frá KA er með uppsagnarákvæði í sínum samningi. Vill hann halda áfram með liðið?

„Ég vill alltaf vera í mínu starfi. Halda áfram að berjast með mínu liði en aðalmálið er hvað við sem klúbbur viljum gera og hvernig við viljum koma liðinu aftur til baka í deild þeirra bestu.“

Sagði Tufa en viðtalið má sjá hér að ofan.

STUÐNINGSSVEIT
FÓTBOLTA.NET

Boltinn er að byrja aftur!

Íslenski og enski boltinn byrja aftur í júní.

Enginn fjölmiðill fjallar eins mikið um fótbolta og Fótbolti.net.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit