Gunnhildur í baráttu við leikmann Tékka í kvöld.
„Við erum mjög ánægðar. Þetta er mjög sterkt lið. Við vissum að við þyrftum sigur," sagði Gunnhildur Yrsa Jónsdóttir, núverandi fyrirliði Íslands, eftir 4-0 sigur gegn Tékklandi í undankeppni HM í kvöld.
Hún spjallaði við RÚV að leik loknum.
Hún spjallaði við RÚV að leik loknum.
„Við höfðum fulla stjórn á þessu. Í stöðunni 1-0 er allt hægt. Við vissum að við þyrftum að skora annað. Tékkland er með frábært lið. Við vorum mjög þéttar fyrir og fórum eftir plani. Það gekk í dag," sagði fyrirliðinn.
Þetta er fyrsti sigur Íslands gegn Tékklandi. Þetta er fyrsti sigur Íslands í riðlinum og er hann mjög mikilvægur. Búist er við því að Íslands og Tékklands séu annað og þriðja besta liðið í riðlinum á eftir Hollandi.
„Við gerðum tvö jafntefli við þær í síðustu undankeppni. Ég er mjög sátt með liðið og það sem við gerðum í dag."
Guðrún Arnardóttir kom inn í liðið og átti góðan leik í vörninni. Gunnhildur var sérstaklega spurð út í hana.
„Hún og allt liðið átti frábæran leik. Þetta sýnir hvað við erum með sterkan hóp. Við getum gert breytingar og átt svona sterkan leik. Allar stelpurnar stóðu sig frábærlega."
Athugasemdir
