Gylfi snýr til baka úr leikbanni.
Þriðja umferðin í Bestu deildinni fer af stað í kvöld með fjórum leikjum. Fantasy leikur Ford Bestu deildarinnar er í fullum gangi og eru allir hvattir til að skrá sig. Þetta býr til meiri spennu fyrir leikina og eykur skemmtanagildið. Vinirnir geta keppt sín á milli, vinnustaðir og svo framvegis.
Smelltu hér til að taka þátt.
Smelltu hér til að taka þátt.
Núna er þriðja umferðin að hefjast og hefur Fótbolti.net tekið saman lista yfir fimm leikmenn sem gæti verið sterkt að taka inn í liðin sín núna í Fantasy leiknum.
Þetta eru leikmenn sem voru annað hvort ekki með í annarri umferð eða voru þá ekki vinsælir á meðal spilara og hafa komið sterkir inn.
Spilarar eru hvattir til að breyta liðum sínum í dag, áður en umferðin fer af stað. Munið eftir því.
Gylfi Þór Sigurðsson (Víkingur R.) - Er að snúa til baka úr leikbanni og er að spila á móti Aftureldingu. Það er í raun fáránlegt að vera ekki með Gylfa í liðinu sínu.
Gunnar Vatnhamar (Víkingur R.) - Hefur verið meiddur en ætti að vera klár í slaginn í Mosfellsbæ. Er stórhættulegur í föstum leikatriðum, þeirra helsta vopn þar.
Guy Smit (Vestri) - Smit er aðeins í rúmlega 3 prósent liða en Vestri fær ekki á sig mikið af mörkum og sóknarleikur Skagamanna hefur ekki verið frábær í fyrstu tveimur leikjunum.
Tryggvi Hrafn Haraldsson (Valur) - Valsmenn eru að spila á móti KA á heimavelli og maður er að bíða eftir því að Tryggvi Hrafn skili tölum. Það eru ekki margir að setja hann í sín lið fyrir leiki kvöldsins en það gæti verið gott að gera það.
Aron Bjarnason (Breiðablik) - Blikar mæta Stjörnunni í kvöld og maður sér markaleik þar í kortunum. Aron er aðeins í tæplega fimm prósent liða en hann á mikið inni.
Athugasemdir
