3. deild: Frábær sigur hjá Árbæ

Árbær nældi í sinn annan sigur í sumar þegar liðið heimsótti KFK í kvöld.

Aron Breki kom Árbæ yfir snemma leiks og Daníel Gylfason bætti öðru markinu við áður en flautað var til loka fyrri hálfleiks.

Það var síðan Eyþór Ólafsson sem innsiglaði sigurinn áður en Unnar Ari náði að klóra í bakkann.

Árbær hefur safnað sjö stigum í fyrstu fjórum leikjunum á meðan KFK er með sex stig.