Úr viðureign milli liðanna á síðasta ári.
Kári Sigfússon er markahæstur Keflvíkinga.
Keflvíkingar þurfa að hafa góðar gætur á Oumar Diouck.
Twana verður með flautuna.
Í dag miðvikudag klukkan 16:45 fer fram fyrri leikur Keflavíkur og Njarðvíkur í umspili Lengjudeildarinnar. Alvöru grannaslagur. Fyrri leikurinn verður á heimavelli Keflavíkur en sá seinni verður svo á sunnudag. Sigurliðið í einvíginu kemst í úrslitaleikinn á Laugardalsvelli, þar sem barist verður um sæti í Bestu deildinni.
Hér má sjá upphitun fyrir grannaslaginn sem framundan er.
Hér má sjá upphitun fyrir grannaslaginn sem framundan er.
Lokastaðan í deildinni:
2. sæti - Njarðvík (50-25), 43 stig
Njarðvík var spáð sjötta sæti og þar með fyrir utan umspilið en liðið hefur verið í baráttunni um efsta sætið, sem gaf sæti beint upp í Bestu deildina. Það hefur verið mikil stemning hjá Njarðvíkingum sem voru í toppsætinu eftir 18 umferðir og áttu möguleika á að hirða það í lokaumferðinni.
5. sæti - Keflavík (53-39), 37 stig
Keflavík var spáð öðru sæti og baráttu um toppsætið en liðið hefur ekki staðið undir væntingum og var fyrir utan umspilið fyrir lokaumferðina. En þetta umspilsfyririrkomulag býður upp á þessa möguleika og eru grannarnir því með sama möguleika þó hægt sé að segja að þetta hafi verið ólík tímabil hjá þeim.
Fyrri viðureignir liðanna á tímabilinu
Keflavík 2 - 1 Njarðvík (6. september)
1-0 Eiður Orri Ragnarsson ('70)
2-0 Marin Mudrazija ('74)
2-1 Oumar Diouck ('94)
Lestu um leikinn
Njarðvík 3 - 1 Keflavík (26. júní)
0-1 Kári Sigfússon ('61 )
1-1 Björn Aron Björnsson ('77 )
2-1 Oumar Diouck ('79 )
3-1 Dominik Radic ('90 , víti)
Lestu um leikinn
Markaskorararnir
Keflavík - Kári Sigfússon 9 mörk í 22 leikjum
Keflvíkingar hafa ekki verið með afgerandi markaskorara í sumar en Kári Sigfússon er markahæsti leikmaður liðsins. Marin Mudrazjia og Muhamed Alghoul eru svo með sjö mörk hvor.
Njarðvík - Oumar Diouck 15 mörk í 21 leik
Belgíski Senegalinn hefur verið iðinn við kolann fyrir Njarðvík síðan hann kom til félagsins 2022. Hann var markahæstur í Lengjudeildinni í sumar ásamt Sigfúsi Fannari Gunnarssyni í Þór. Í Njarðvíkurliðinu er svo annar markaskorari, Dominik Radic, sem skoraði tólf mörk.
Oftast í liði umferðarinnar
Keflavík - Muhamed Alghoul (5)
29 ára sóknarleikmaður sem lék með Keflavík í Bestu deildinni 2023 og kom svo aftur til félagsins fyrir þetta tímabil. Getur verið ansi skeinuhættur á deginum sínum.
Njarðvík - Oumar Diouck (5)
Dominik Radic og bakvörðurinn Arnleifur Hjörleifsson fylgja Oumari á eftir og voru valdir fjórum sinnum.
Viðtöl við þjálfarana
16.09.2025 17:30
Fóru á Laugardalsvöll í fyrra - „Sömu verðlaun fyrir að lenda í öðru sæti eða því fimmta“
16.09.2025 14:30
„Alveg sama í hvaða keppni og íþrótt liðin mætast, þetta eru alltaf hörkuleikir“
Dómarinn:
Twana Khalid Ahmed
Aðstoðardómarar: Þórður Arnar Árnason og Antoníus Bjarki Halldórsson.
Varadómari: Arnar Þór Stefánsson.
Athugasemdir
