Himar Árni Halldórsson átti góðan leik þegar Stjarnan fékk Fylki í heimsókn á Samsung völlinn í dag.
Eftir að staðan hafði verið jöfn 1-1 þegar flautað var til hálfleiks gerðu Stjörnumenn 4 mörk í þeim síðari og skoraði Hilmar 2 af þeim. Lokatölur því 5-1 Stjörnunni í vil.
Eftir að staðan hafði verið jöfn 1-1 þegar flautað var til hálfleiks gerðu Stjörnumenn 4 mörk í þeim síðari og skoraði Hilmar 2 af þeim. Lokatölur því 5-1 Stjörnunni í vil.
Lestu um leikinn: Stjarnan 5 - 1 Fylkir
„Seinni hálfleikur var flottur hjá okkur, við byrjuðum ekki nægjanlega vel og vorum lengi að komast í gang og Fylkir voru bara flottir og voru bara betri en við til að byrja með," sagði Hilmar Árni um leik sinna manna í dag.
Stjarnan hefur verið gagnrýnd nokkuð framan af sumri og hefur liðinu gegnið illa að tengja saman sigra og að klára leikina.
Hvað finnst Hilmari vera helsti munurinn á leik liðsins í dag og áður í sumar?
„Það er erfitt að segja við höfum verið góðir í mörgum leikjum í kannski 60-70 mínútur og slæmu kaflarnir okkar hafa verið frekar slæmir. Í seinni hálfleik náðum við að halda svona nokkuð heilsteyptri frammistöðu en auðvitað má alltaf gera betur en kannski var það að við náðum að klára seinni hálfleikinn almennilega.“
Sagði Himar Árni Halldórsson en allt viðtalið má sjá hér að ofan.
Athugasemdir