Anna Þórunn í leik með Grindavík.
„Þetta var frábært, við ætluðum ekki að leyfa þeim að fagna Íslandsmeistaratitlinum hér og sáum til þess," sagði Anna Þórunn Guðmundsdóttir fyrirliði Grindavíkur eftir 3-2 sigur heima gegn Þór/KA í dag en það þýddi að Þór/KA þarf að bíða fram að lokaumferðinni til að reyna að tryggja sér Íslandsmeistaratitilinn. Sigur í dag hefði tryggt þann stóra en var þetta rætt fyrir leik?
Lestu um leikinn: Grindavík 3 - 2 Þór/KA
„Algjörlega, við viljum ekkert horfa á þær fagna titlinum," svaraði hún en var þetta þeirra besti leikur í sumar?
„Já allavega svona sóknarlega með þessari vörn sem við erum búnar að vera að spila í síðustu leikjum. Mér fannst þetta mjög flott og var mjög ánægð með leik allra leikmanna, bæði sem komu inná og spiluðu allan leikinn."
Greinilegt var á liði Grindavíkur í dag að þær ǽtluðu sér að ná í úrslit, þær hentu sér fyrir alla bolta.
„Þannig eru Grindvíkingar, við erum víkingar og hendum okkur fyrir allt."
Athugasemdir
