Bayern vill 100 milljónir fyrir Olise - Chelsea reynir að fá Guehi og Maignan frítt - Konate ætlar til Real Madrid
Gummi Kristjáns léttur: Er að spila alltof aftarlega á vellinum
Túfa hefur ekki áhyggjur - „Alvöru menn taka mótlætið á kassann“
„Ekkert að rífa okkur upp til skýja fyrir að vinna Val hérna“
Valdimar Þór: Þurftum ekkert að elta þá út um allt
Sölvi eftir stórsigur á Meistaravöllum: Líst mjög vel á þetta gras hér í KR
Óskar Hrafn hugar að breytingum: Egó þjálfarans getur ekki verið að þvælast fyrir árangri liðsins
Davíð Smári: Ósáttur með að við skulum gleyma fyrir hvað við stöndum
Bjarni Guðjón: Það er gaman að vera Þórsari í dag
„Fullyrði að ekki nokkur leikmaður hefur bætt sig jafn mikið eftir þrítugt"
Rúnar: Þá tekur þú ekki besta leikmanninn í liðinu útaf
Hallgrímur Mar: Getum engum öðrum en sjálfum okkur um kennt
Heimir: Þeir voru að svæfa leikinn og komust upp með það
Jón Daði: Þarf að komast í burtu frá fótbolta og hreinsa hugan
Bjarni Jó: Það kannski einkennir lið sem er að falla
Ingimar Arnar skoraði sigurmarkið: Ég man ekki einu sinni eftir þessu
Jóhann Birnir: Svekkelsi
Sigfús Fannar: Þetta mark var fyrir hana
Siggi Höskulds: Fannst við eiga skilið að vinna þessa deild
Addi Grétars: Ekki mikil fótboltaleg gæði
Aron Ingi: Það var bara eitt markmið og það var að fara beint upp
   lau 24. febrúar 2024 20:00
Hafliði Breiðfjörð
Þrumuræða Þorvaldar gerði útslagið: Fyrst og fremst tilfinningar frá mér
Þorvaldur Örlygsson formaður KSÍ.
Þorvaldur Örlygsson formaður KSÍ.
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
„Ég er mjög ánægður, þetta var hörð barátta, þrír í framboði í fyrsta skipti og það eru því öðruvísi straumar. Það var hart barist og menn vildu fara í þetta starf. Þetta er mjög mikilvægt starf og stórt starf og ég er mjög ánægður," sagði Þorvaldur Örlygsson við Fótbolta.net eftir að hann var kosinn formaður KSÍ á ársþingi sambandsins í Úlfarsárdalnum í dag.

Þorvaldur fékk aðeins 7% atkvæða samkvæmt skoðanakönnun sem Vísir.is gerði fyrir þátt Henrys Birgis Gunnarssonar þar sem frambjóðendurnir komu allir saman. Hann segist hafa haft trú á þessu þrátt fyrir það.

„Það er alltaf gaman af skoðanakönnunum en þetta er samt bara eins og fótboltaleikur. Hann er 90 mínútur plús og þú verður að klára það líka. Það er sama í kosningabaráttu líka en svo var líka mikil óvissa með mörg atkvæði, menn héldu spilunum þétt að sér alla vikuna og mánuði. Það leit ekki út sem ég yrði formaður í dag en það þarf að fara alla leið og heyra í öllu fólkinu."

Fyrir viðstadda negldi Þorvaldur kjörið með ræðunni sem hann hélt á þinginu, var hreinn og beinn og heillaði mörg þeirra sem á hlustuðu. Var þetta bara eins og að skipuleggja ræðuna í klefanum fyrir bikarúrslitaleik?

„Það var blanda af því en fyrst og fremst var það bara tilfinningar frá mér og hvað mér fannst þurfa að gera. Ég reyndi að koma því til skila eins vel og ég mögulega gat og það tókst. Fólk tók við einhverju af því en ég vona að fólk hafi líka hlustað á mig á einhverjum fundanna þar sem ég hitti þau."

Þú sagðir í ræðunni að þú hafir ekki tekið þátt í neinu skítkasti í kosningabaráttunni. Fannst þér þetta ódrengileg barátta?

„Ég ætla ekki að tjá mig neitt um það frekar en það sem ég sagði í ræðunni minni. Við vorum þrír í þessari baráttu og þeir höfðu sína kosningabaráttu. Þetta eru fínir drengir og ég er bara ánægður með að hreyfingin fékk fleiri en einn til að bjóða sig fram. Við vorum þrír og hreyfingin vill hafa val og fékk það og að kjósa það var aðalatriðið."

Þorvaldur hóf störf strax í dag því hann sleit ársþinginu í dag og mætir svo til vinnu eftir helgi og landsleikur strax á þriðjudaginn hjá kvennalandsliðinu gegn Serbíu. Þorvaldur lýkur nú störfum sínum hjá Stjörnunni og þakkaði stuðninginn þar. Það var reyndar óvissa með tvö atkvæði sem hefðu líklga fallið til Þorvaldar í dag því tveir af fjórum fulltrúum félagsins mættu alltof seint á þingið. Þeir skiluðu sér þó á endanum svo hann fékk atkvæðin.

„Ég held að framkvæmdastjórinn og Dagur vinur hans hafi ekki ratað úr Garðabænum, þeir eru ekkert vanir að fara mikið þaðan. Ég vonaði að þeir myndu skila sér á réttum tíma enda tóku þingskjölin mikinn tíma."
Athugasemdir
banner