Lestu um leikinn: Valur 3 - 1 Þróttur R.
"Þetta var erfiður leikur, Þróttarra eru með hörku lið og spila fast þannig þær gáfu okkur hörkuleik en ég held að við höfum unnið sanngjarnan sigur að lokum."
"Við vorum ekki alveg að gera það sem við ætluðum að gera fyrsta korterið og þær náðu að pressa okkur, lélegar sendingar og fleira. Svo náðum við betri tökum á leiknum og eftir fyrsta markið var þetta aldrei spurning."
"Það er auðvitað hundleiðinlegt að fá á sig mark, við ætluðum að halda hreinu, sérstaklega mark sem við gefum þeim á silfurfati. En við vinnum leikinn og það er það sem skiptir máli."
Breiðablik töpuðu fyrstu stigunum sínum í kvöld sem gefur Val betri vonir í toppbaráttunni.
"Jájá, það er gott þegar mótherjarnir tapa stigum. En við vissum það frá upphafi að það er ekkert lið að fara að taka þetta á sigrum í öllum leikjum. Við eigum eftir að spila fullt af leikjum og Blikarnir líka og það eru fullt af stigum eftir í pottinum. Þetta er bara ein umferð sem spilaðist vel fyrir okkur. Þær eru ennþá með fleiri stig en við. Hingað til höfum við kannski verið að hugsa of mikið um Blikaliðið og kominn tími til að við einbeitum okkur af því sem við erum að gera."
Hvaða áhrif hefur Covid-19 haft á hópinn, með sóttkví, stoppum og breyttum venjum kringum leikina?
"Já þetta er svolítið skrítið en við erum bara það sáttar að fá að spila leikina svo við sættum okkur við það að það sé fámennt í stúkunni."
Næsti leikur Vals er á föstudaginn á Akureyri. Hvernig er stemningin fyrir leiknum?
"Loksins farið að koma álag, búið að vera svo langt á milli leikja og ég sem hélt að mótið yrði spilað þétt. Það er alltaf erfitt að fara norður, þær eru með hörkulið."
Viðtalið við má sjá í heild sinni í spilaranum hér að ofan, þar ræðir hún meðal annars um toppbaráttuna og næsta leik við Þór/KA
