Mbappe skoraði úr Panenka-vítaspyrnu
Markamaskínan Kylian Mbappe gerði bæði mörk Real Madrid í 2-0 sigrinum á Villarreal í La Liga í gær en seinna markið tileinkaði hann liðsfélaga sínum, Brahim Diaz.
Ekki er liðin vika síðan Brahim klúðraði mikilvægustu vítaspyrnu ferils síns.
Hann var lykilmaður í landsliði Marokkó sem fór alla leið í úrslitaleik Afríkukeppninnar en seint í uppbótartíma fengu Marokkó-menn tækifæri til þess að verða Afríkumeistari er vítaspyrna var dæmd.
Brahim reyndi Panenka-vítaspyrnu eða með því að vippa á markið, en sú spyrna misheppnaðist svakalega og var Edouard Mendy ekki í neinum vandræðum með að grípa spyrnuna. Senegalar skoruðu síðan sigurmarkið í framlengingunni og unnu mótið í annað sinn í sögunni.
Madrídingurinn var niðurlútur eftir þetta hrikalega klúður en Mbappe vildi sýna honum stuðning í leiknum gegn Villarreal í gær.
Í uppbótartíma síðari hálfleiks fengu Madrídingar vítaspyrnu og var það Mbappe sem fór á punktinn. Hann tók Panenka-spyrnu og skoraði örugglega, en markið tileinkaði hann Brahim.
„Panenka-vítaspyrnan var fyrir Brahim Diaz,“ sagði Mbappe í viðtali eftir leikinn gegn Villarreal.
Kylian Mbappé qui montre à Brahim Diaz comment tirer une panenka devant lui
— Kenpachi (@Kenpachi1070) January 24, 2026
Mobutu est sans cœur ???? pic.twitter.com/uLwdPjZT6i
Stöðutaflan
Spánn
La Liga - karlar
Spánn
La Liga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Real Madrid | 21 | 16 | 3 | 2 | 45 | 17 | +28 | 51 |
| 2 | Barcelona | 20 | 16 | 1 | 3 | 54 | 22 | +32 | 49 |
| 3 | Atletico Madrid | 21 | 12 | 6 | 3 | 35 | 17 | +18 | 42 |
| 4 | Villarreal | 20 | 13 | 2 | 5 | 37 | 21 | +16 | 41 |
| 5 | Espanyol | 21 | 10 | 4 | 7 | 25 | 25 | 0 | 34 |
| 6 | Betis | 20 | 8 | 8 | 4 | 33 | 25 | +8 | 32 |
| 7 | Celta | 20 | 8 | 8 | 4 | 28 | 20 | +8 | 32 |
| 8 | Osasuna | 21 | 7 | 4 | 10 | 24 | 25 | -1 | 25 |
| 9 | Elche | 21 | 5 | 9 | 7 | 29 | 29 | 0 | 24 |
| 10 | Real Sociedad | 20 | 6 | 6 | 8 | 26 | 28 | -2 | 24 |
| 11 | Sevilla | 21 | 7 | 3 | 11 | 28 | 33 | -5 | 24 |
| 12 | Athletic | 21 | 7 | 3 | 11 | 20 | 30 | -10 | 24 |
| 13 | Girona | 20 | 6 | 6 | 8 | 20 | 34 | -14 | 24 |
| 14 | Valencia | 21 | 5 | 8 | 8 | 22 | 33 | -11 | 23 |
| 15 | Mallorca | 21 | 5 | 7 | 9 | 24 | 30 | -6 | 22 |
| 16 | Vallecano | 21 | 5 | 7 | 9 | 17 | 28 | -11 | 22 |
| 17 | Getafe | 20 | 6 | 3 | 11 | 15 | 26 | -11 | 21 |
| 18 | Alaves | 20 | 5 | 4 | 11 | 16 | 25 | -9 | 19 |
| 19 | Levante | 20 | 4 | 5 | 11 | 24 | 34 | -10 | 17 |
| 20 | Oviedo | 20 | 2 | 7 | 11 | 11 | 31 | -20 | 13 |
Athugasemdir
