Það fóru þrír leikir fram í franska boltanum í dag þar sem Ethan Nwaneri lék sinn fyrsta leik fyrir Marseille.
Nwaneri er hjá félaginu á lánssamningi frá Arsenal og byrjaði hann feykilega vel í franska boltanum. Hann skoraði eftir laglegt einstaklingsframtak á 13. mínútu í 3-1 sigri gegn Lens í toppbaráttuslag.
Nwaneri spilaði fyrsta klukkutímann áður en honum var skipt af velli fyrir Mason Greenwood sem byrjaði á bekknum.
Amine Gouiri skoraði tvennu í leiknum og áttu Timothy Weah og Igor Paixao sitthvora stoðsendinguna.
Marseille er í þriðja sæti eftir þennan sigur, fimm stigum á eftir Lens sem situr í öðru sæti. Þetta þýðir að Frakklands- og Evrópumeistarar PSG eru með tveggja stiga forystu á toppi Ligue 1.
Í öðrum leikjum dagsins vann Lorient óvænt á útivelli gegn Rennes og gerði Le Havre jafntefli við Mónakó sem er að eiga mikið vonbrigðatímabil.
Marseille 3 - 1 Lens
1-0 Amine Gouiri ('3)
2-0 Ethan Nwaneri ('13)
3-0 Amaine Gouiri ('75)
3-1 Rayan Fofana ('85)
Lorient 0 - 2 Rennes
Le Havre 0 - 0 Monaco
Athugasemdir
