Man City hefur verið yfirburðarlið í ensku úrvalsdeildinni undanfarin ár og virðist Liverpool eina félagið sem getur haldið haus yfir heilt tímabil.

Liverpool er komið með níu stig en City tapaði tveimur stigum í 2-2 jafntefli gegn Tottenham.

Tottenham, sem getur einnig komist í sjö stig, á þá heimaleik á móti Newcastle sem margir búast við að falli úr deildinni.

Á sama tíma mætast Wolves og Burnley og er mögulegt að Jóhann Berg Guðmundsson verði í byrjunarliði Burnley.

Jói Berg skoraði í 3-0 sigri á Southampton í fyrstu umferð en átti ekki sérlega góðan leik gegn Arsenal á Emirates og var skipt útaf eftir 71 mínútu.

Leikir dagsins:
13:00 Bournemouth - Man City (Síminn Sport)
15:30 Tottenham - Newcastle (Síminn Sport)
15:30 Wolves - Burnley