Halldór Orri Björnsson var að leika sinn síðasta leik fyrir Stjörnuna í dag.
„Leiðinlegt að tapa síðasta leiknum en gegn sáttur frá borði þannig séð. Þetta er búið að erfitt sumar en minn tími er komin í þessu," sagði Halldór Orri Björnsson leikmaður Stjörnunnar.
Lestu um leikinn: Stjarnan 0 - 2 KR
Halldór Orri Björnsson var að leika sinn síðasta leik fyrir Stjörnuna og var hann spurður hvort það væri langt síðan að hann tók þessa ákvörðun um að hætta.
„Það var komið í hugann fyrir þetta tímabil þannig það er búið að taka smá tíma að malla upp í kollinum á manni."
Stjarnan endaði í sjöunda sæti og var Halldór Orri spurður hvort Stjarnan ætti ekki að gera kröfu á að vera ofar í töflunni.
„Þetta var ekki ásættanlegur árangur en það er margt sem spilaði inn í sem ég nenni fara út í núna en það þarf að snúa bökum saman fyrir næsta tímabil og liðið þarf að mæta til leiks almennilega næsta sumar og ég hef fulla trú á hópnum."
Athugasemdir
