„Ég tel að það sé tekið löglegt mark af okkur hér í lokin þegar Steini skorar," sagði Hallgrímur eftir 0-0 jafntefli gegn KR á Greifavellinum í dag.
Lestu um leikinn: KA 0 - 0 KR
Hallgrímur var sáttur við spilamennskuna í dag.
„Mér fannst við vera líklegri til að stela þessu í seinni háflleik þannig ég er mjög svekktur."
KA skipti um þjálfara um miðjan júli og hafa ekki fengið mark á sig síðan.
„Bara eins og í síðustu tveimur leikjum. Við erum þéttir til baka og gefum fá færi á okkur. Spilið er að koma þannig það er margt jákvætt í þessu. Þéttir og vel spilandi á köflum."
Hallgrími finnst áherslurnar hafa breyst eftir að Arnar tók við.
„Það er kominn meiri þéttleiki finnst mér í varnarfærslum. Við erum fyrst og fremst að leggja áherslu á að halda hreinu."
Viðtalið má sjá í heild sinni hér að ofan.
Athugasemdir