Alonso, Neto, Eze, Greenwood, Ramaj, Alli, Son og fleiri góðir í slúðri dagsins
banner
   þri 26. september 2023 16:16
Sæbjörn Þór Þórbergsson Steinke
Hræðileg tíðindi frá Grikklandi - Hörður Björgvin með slitið krossband
Mynd: Fótbolti.net - Hafliði Breiðfjörð
Hörður Björgvin Magnússon, leikmaður Panathinaikos, fór meiddur af velli strax í byrjun leiksins gegn AEK í gær.

Í dag kom í ljós að Hörður er með slitið krossband og verður frá vel fram á næsta ár, fjallað er um að Hörður verði frá í hálft ár hið minnsta en frekar ólíklegt er að hann nái að spila meira á tímabilinu.

Hörður fór upp í skallabolta strax í byrjun leiks í gær og lenti illa. Afleiðingarnar skelfilegar og ljóst að Hörður missir af stórum hluta tímabilsins í Grikklandi og næstu landsliðsverkefnum.

Hörður er þrítugur, örvfættur varnarmaður sem gekk í raðir Panathinaikos síðasta sumar eftir fjögur ár hjá CSKA í Rússlandi.

Hörður sleit hásin árið 2021 og kom til baka ári síðar. Þetta eru því önnur erfiðu meiðslin sem hann fer í gegnum á stuttum tíma.


Athugasemdir
banner
banner
banner
banner
banner