„Mér leið sjálfri vel en við vorum í ansi erfiðri stöðu í lokin. Ég kom inn á og reyndi að gera eins vel og ég gat," sagði Lára Kristín Pedersen í samtali við Fótbolta.net eftir 4-0 tap gegn Þýskalandi í Þjóðadeildinni í kvöld.
Lestu um leikinn: Þýskaland 4 - 0 Ísland
„Þær voru ansi beittar fram á við. Þær voru snöggar að refsa. Þetta var erfitt í kvöld."
Voru stelpurnar okkar að búast við þýska liðinu svona sterku í kvöld?
„Já, ég held að við vitum öll hvað þær geta þó það sé eitthvað búið að tala um einhverja krísu. Við vitum alveg hvað þær geta. Þetta kom okkur ekki á óvart."
Hvað var svona það helsta sem fór úrskeiðis í leiknum?
„Ég þarf nú að sjá leikinn aftur ef ég á að gera þér einhvern lista yfir það. Þær voru mjög flottar í kvöld og áttu því miður sigurinn skilið."
Lára Kristín var að spila sinn fyrsta keppnisleik með A-landsliðinu í kvöld. „Það var mjög gaman að koma inn í þetta aftur og koma mér inn í kúltúrinn hérna."
Hægt er að sjá allt viðtalið í spilaranum hér fyrir ofan.
Athugasemdir