„Frábært framlag enn og aftur," sagði Hermann Hreiðarsson, þjálfari Þróttar Vogum, eftir 1-1 jafntefli við Kórdrengi í 2. deildinni í kvöld.
„Við byrjuðum illa, eitthvað smá stress hérna í byrjun og þeir setja smá pressu á okkur en síðan unnum við okkur inn í leikinn og við vorum aðeins nær mönnunum. Við vissum að við myndum fá færi á prikinu. Stig er eitthvað sem við tökum."
„Við byrjuðum illa, eitthvað smá stress hérna í byrjun og þeir setja smá pressu á okkur en síðan unnum við okkur inn í leikinn og við vorum aðeins nær mönnunum. Við vissum að við myndum fá færi á prikinu. Stig er eitthvað sem við tökum."
Lestu um leikinn: Kórdrengir 1 - 1 Þróttur V.
„Já, það er engin spurning eins og ég sagði áðan, vinnuframlagið og það sem við gerum sem liðsheild, það er hver einasti leikmaður að hlaupa fyrir hvorn annan og á endanum skilar það sér. Þetta skilaði færum úr góðri pressu, mér fannst þeir vera orðnir þreyttir aftast á vellinum. Það hefði verið hrikalega sætt að stela þessu."
Þórður Már var í í sviðsljósinu í kvöld og mikill hiti var inn á vellinum í kvöld. Hvernig fannst Hermann hann dæma þetta?
„Jújú, var þetta ekki bara þræl fínt? Þetta voru mörg atvik þannig auðvitað verður einhver ósáttur."
Hermann Hreiðarsson er enþá taplaus eftir að hann tók við Þrótti V. og var hann spurður út í framhaldið í deildinni.
„Við erum spenntir fyrir öllum leikjum og erum að reyna hafa þetta svolítið skemmtilegt og þetta er það, það er engin spurning, sérstaklega þegar andinn í liðinu er svona og það endurspeglast í spilamennskunni og okkur hlakkar til allra leikja og vitum það að ef við erum allir á góðum degi þá náum við í úrslit."
Er markmið Hermanns að fara upp með liðið?
„Við förum í hvern leik til að vinna, en þetta er ótrúlega skemmtileg deild, mikið af góðum liðum í þessari deild og það er ekkert gefið."
Viðtalið í heild sinni má sjá í sjónvarpinu hér að ofan.
Athugasemdir