Liverpool vann ansi sannfærandi sigur á Southampton í ensku úrvalsdeildinni í dag.
Diogo Jota kom Liverpool yfir strax á annarri mínútu leiksins og hann var svo aftur á ferðinni hálftíma síðar. Áður en fyrri hálfleikurinn var allur þá skoraði Thiago Alcantara en skot hans átti viðkomu í varnarmanni gestanna.
Varnarmaðurinn Vigil van Dijk skoraði fjórða markið í seinni hálfleik, en hann fagnaði ekki af virðingu við sitt gamla félag - Southampton.
Liverpool á eftir leikinn þrjá markahæstu leikmenn deildarinnar. Mohamed Salah er með 11 mörk og svo koma Sadio Mane og Diogo Jota allir með sjö mörk.
Ekki nóg með það - Liverpool á líka tvo stoðsendingahæstu leikmenn deildarinnar. Salah er bæði markahæstur og með flestar stoðsendingar. Salah er með átta stoðsendingar og er Trent Alexander-Arnold búinn að leggja upp sjö mörk.
Athugasemdir
