Til að jafna metið
Mohamed Salah, framherji Liverpool, hefur skorað úr 14 vítaspyrnum í röð í ensku úrvalsdeildinni.
Þetta er það næst lengsta sem leikmaður í deild þeirra bestu á Englandi hefur farið án þess að klikka á vítapunktinum.
Salah þarf að skora úr níu vítaspyrnum í röð í viðbót til að jafna metið sem núna stendur. Matt Le Tissier, fyrrum sóknarmaður Southampton, á núna metið. Hann skoraði úr 23 vítaspyrnum í röð frá 1994 til 2000.
Salah skoraði af vítapunktinum í dag þegar Liverpool gerði jafntefli við Chelsea, 1-1.
Hann jafnaði metin af vítapunktinum undir lok fyrri hálfleiks en Liverpool náði ekki að fylgja því nægilega vel eftir og því fór sem fór; lokaniðurstaðan jafntefli.
Athugasemdir