Meistaradeild kvenna í dag - Bayern með yfirhöndina gegn Arsenal

Það er risaleikur fyrir Íslendingalið Bayern Munchen þar sem liðið mætir til London og spilar gegn Arsenal á Emirates. Bayern vann fyrri leikinn 1-0 á Allianz Arena.

Glódís Perla Viggósdóttir var í byrjunarliðinu í þeim leik og átti hreint út sagt stórleik en Arsenal sótti hart að marki Bayern í síðari hálfleik.

Karólína Lea Vilhjálmsdóttir og Cecilía Rán Rúnarsdóttir sátu allan tíman á varamannabekknum í fyrri leiknum.

Í hinum leik dagsins mætast Barcelona og Roma á Spáni en Barcelona fór til Ítalíu í síðustu viku og vann 1-0.

Leikir dagsins

16:45 Barcelona W - Roma W
19:00 Arsenal W - Bayern W