Óskar Hrafn: Ein besta frammistaða sem ég hef séð Benó eiga í KR treyju

„Frammistaðan hjá liðinu var frábær og kannski fyrsti leikur þar sem við í alvöru tökum handbremsuna af og virkilega keyrum á þetta. Erum kraftmiklir varnlega og kraftmiklir sóknalega og þá þegar þessi hlutir falla saman þá er liðið virkilega gott,''

KR handsama mikilvæg þrjú stig í dag í fallbaráttu þeirra.

„Það er auðvitað mjög mikilvægt og sértaklega í ljósi úrslita í Vestri-HK, þá var þetta gríðarlega dýrmætt. Svo þufum við að passa okkur á því að við fáum ekkert fyrir þennan sigur ef við mætum ekki til leik eins og menn á móti KA,''

Benoný skoraði fjögur mörk í dag gegn Fram og átti hann glæsilegan leik.

„Ég er mjög stoltur af Benó frábært auðvitað að fá 4 mörk, en mér fannst mörkin fjögur bara vera bónus fyrir frábæra alhliða frammistöðu. Þetta er ein besta frammistaða sem ég hef Benó eiga í KR treyju. Markmiðið er að hann komist í rétta klúbba á rétta tímbapunkti og við viljum að okkar bestu leikmenn fari héðan,''

Orri Steinn, sonur hans Óskars, skoraði tvö mörk fyrir Real Sociedad í gær. Hann var spurður út í hvernig tilfinningin væri að sjá son sinn skora.

„Ég er mjög stoltur af honum og gríðarlega ánægður fyrir hans hönd. Þetta er ekki auðvelt að koma á síðasta degi í glugga og koma sér inn í lið sem er að spila á þriggja daga fresti. Við fjölskyldan erum mjög stolt af honum.'' segir Óskar Hrafn í lokinn.

Hægt er að horfa á viðtalið í heild sinni fyrir ofan.