Ward-Prowse með flest mörk úr aukaspyrnum síðan árið 2012

James Ward-Prowse, leikmaður Southampton, skoraði beint úr aukaspyrnu gegn Manchester United í ensku úrvalsdeildinni í gær.

Þetta var níunda mark hans beint úr aukaspyrnu sem þýðir að hann hefur skorað flest mörk allra beint úr aukaspyrnu síðan tímabilið 2012/2013.

Ward-Prowse á þó ennþá langt í land með að ná David Beckham sem á flest mörk beint úr aukaspyrnu frá stofnun ensku úrvalsdeildarinnar árið 1992.

Gylfi Þór Sigurðsson er í 4-5. sæti yfir flest mörk beint úr aukaspyrnum í ensku úrvalsdeildinni síðan árið 2012.