Stórliðið Juventus er undir rannsókn hjá ítölsku lögreglunni vegna grunsemda um fjármálamisferli þegar kemur að leikmannaviðskiptum. Fjölmiðlar tala um að alls sé verið að skoða kaup og sölur á 42 leikmönnum.

Sex yfirmenn sem hafa starfað hjá Juventus, bæði fyrrverandi og núverandi, eru rannsakaðir en þar á meðal er Fabio Paratici sem var ráðinn til Tottenham í sumar.

Formaðurinn Andrea Agnelli og fyrrum leikmaðurinn og goðsögnin Pavel Nedved eru líka meðal þeirra sem sæta rannsókn lögreglu.