banner
   lau 31. júlí 2021 10:21
Brynjar Ingi Erluson
Mbappe til Real Madrid - Grealish áfram hjá Aston Villa?
Powerade
Jack Grealish gæti fengið 200 þúsund punda samning hjá Villa
Jack Grealish gæti fengið 200 þúsund punda samning hjá Villa
Mynd: Getty Images
Paul Pogba áfram hjá Man Utd?
Paul Pogba áfram hjá Man Utd?
Mynd: Getty Images
Þá er komið að helsta slúðrinu á þessum ágæta laugardegi en Jack Grealish og Paul Pogba koma við sögu.

Real Madrid mun hefja viðræður við Paris Saint-Germain um Kylian Mbappe á næstu vikum en samningur hans við franska félagið rennur út á næsta ári. (90min)

Aston Villa er að undirbúa 200 þúsund punda samningstilboð fyrir Jack Grealish í von um að halda honum hjá félaginu og koma í veg fyrir að hann fari til Manchester City fyrir 100 milljónir punda. (Star)

Paul Pogba, miðjumaður Manchester United, er að íhuga að vera hjá félaginu næstu árin en óvíst er hvort hann ætli sér að framlengja við félagið í sumar. (Sky)

Mauricio Pochettino, þjálari PSG, segir að félagið vilji ekki hafa hátt um um möguleg kaup og vill ekki viðurkenna áhuga á Paul Pogba. (Metro)

Tottenham Hotspur er búið að leggja fram 43 milljón punda tilboð í Cristian Romero, varnarmann Atalanta, en ítalska félagið er opið fyrir því að selja hann ef það fær meiri tíma til að finna leikmann í hans stað. (Sky Italia)

Kólumbíski sóknartengiliðurinn James Rodriguez er ekki viss um að hann verði áfram hjá Everton en hefur útilokað endurkomu til Real Madrid. (Daily Mail)

Florian Neuhaus, leikmaður Borussia Monchengladbach, er enn á blaði hjá Jürgen Klopp, stjóra Liverpool, en enska félagið er þó ekki tilbúið að borga 34 milljón punda fyrir leikmanninn. (Sport1)

Liverpool er þá komið í baráttuna um Manuel Locatelli, miðjumann Sassuolo. (Gazzetta dello Sport)

Southampton hafnaði 25 milljón punda tilboði Aston Villa í enska miðjumanninn James Ward-Prowse. (Athletic)

Newcastle United ætlar að bjóða Steve Bruce, stjóra félagsins, nýjan þriggja ára samning (Star)

Chelsea er tilbúið að lækka verðmiðann á enska framherjanum Tammy Abraham en Arsenal, West Ham og Aston Villa hafa öll sýnt honum áhuga. (Sun)

Everton hefur ekki ákveðið hvort félagið ætli að leggja fram tilboð í Denzel Dumfries, varnarmann PSV Eindhoven. (Liverpool Echo)

Heimildarmenn hjá enska félaginu Liverpool segja að að félagið sé ekki á eftir enska vængmanninum Jarrod Bowen (Star)

Arsenal er þá að undirbúa samningaviðræður við svissneska miðjumanninn Granit Xhaka en hann hefur verið orðaður við ítalska félagið Roma síðustu vikur. (Athletic)

Leeds United er í viðræðum við Huddersfield um enska miðjumanninn Lewis O'Brien. (Football Insider)

Tottenham er þá að íhuga tilboð í nígeríska framherjann Simeon Tochukwu, framherja Crotone en hann skoraði 20 mörk í Seríu A á síðustu leiktíð. (Telegraph)

Crystal Palace, Brentford og Watford eru þá að fylgjast með Matthew Garbett, 19 ára miðjumanni Falkenbergs í Svíþjóð. (Sun)
Athugasemdir
banner
banner
banner