„Gríðarlega ánægður og stoltur. Frábært hvernig strákarnir tóku leikinn eftir að hafa lent undir,'' sagði Sveinn Þór Steingrímsson, þjálfari Magna eftir 3-1 sigur á Aftureldingu í Inkasso deild karla í kvöld.


Lestu um leikinn: Magni 3 -  1 Afturelding

Afturelding byrjaði leikinn mun betur og hreinlega keyrðu yfir Magna fyrstu 15-20 mínútur leiksins en eftir það unnu heimamenn sig inn í leikinn. Sveinn taldi sjálfan sig eiga sök á hægri byrjun Magna.

„Ég tek það alfarið á mig. Það er á mína ábyrgð, við byrjuðum ekki leikinn og vorum bara svona 50 prósent. Vorum langt frá þeim og vorum í rauninni bara að bíða eftir því að þeir myndu skora. Ég tek það bara á mig. En eftir það þá fannst mér við eiga leikinn.''

„Dómarinn sá þetta og hann dæmdi gult fyrir leikaraskap. Auðvitað er betra að vera manni fleiri en ég sá ekki almennilega þetta atvik,'' sagði Sveinn aðspurður um rauða spjaldið í leiknum.

Aðspurður um framhaldið og næsta leik sagði Sveinn: „Við erum náttúrulega búnir að vinna tvo leiki í röð og það er að koma sjálfstraust í strákana, en við erum alveg sallarólegir og bara á jörðinni. Munum bara æfa vel í vikunni, undirbúa okkur fyrir Njarðvík og svo bara tökum við á þeim næsta laugardag.''

Viðtalið má sjá í heild sinni í spilaranum hér að ofan.

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit