Ásmundur aðstoðarþjálfari Þróttar.
Ásmundur Haraldsson aðstoðarþjálfari Þróttar var ánægður með stigin þrjú sem liðið sótti í Hafnarfjörðinn í kvöld. Þróttarar unnu þá Hauka 2-1 og halda áfram að safna stigum í bankann.
Liðið er því áfram á toppnum og eru í góðri stöðu þar eins og er.
Liðið er því áfram á toppnum og eru í góðri stöðu þar eins og er.
Lestu um leikinn: Haukar 1 - 2 Þróttur R.
„Við tókum þessi þrjú stig og þau telja mikið á þessum tímapunkti. Við byrjuðum mjög vel og í síðustu leikjum höfum við byrjað vel. Við náðum að skora tvö mörk en síðan dettum við frekar mikið til baka og missum tökin," sagði Ásmundur sem viðurkennir að Þróttarar hafi alls ekki átt góðan dag á vellinum í kvöld, þrátt fyrir sigur.
„Haukarnir komust vel inn í leikinn og spiluðu góðan fótbolta og fengu góð færi en við náðum að halda út. Einum færri síðustu 5-6 mínúturnar var þetta orðið frekar strembið. Þeir lágu á okkur og héldu boltanum betur en við gerðum. Það var erfitt að halda boltanum einum færri síðustu mínúturnar en við gerðum eins vel og við mögulega gátum."
Trausti markmaður Þróttara var í töluverðum erfiðleikum með að halda boltanum oft á tíðum í leiknum.
„Það var einhver sápa í hönskunum hjá honum á tímabili en hann kláraði það sem þurfti að klára," sagði Ási að lokum.
Viðtalið í heild sinni er hægt að sjá í sjónvarpinu hér að ofan.
Athugasemdir
