Fótbolti.net

Birgir hjá ÍTF: Förum ekki í gegnum þetta á hnefanum einum saman

Tómlegt í Laugardal á deginum sem átti að vera stóri dagurinn

Fimleikafélagið á Flórída - ný sería væntanleg

FH með æfingar á Instagram - Verðlaun í boði

„Ekki slæmt að hafa nafnið á þessum meistara og kæra vin á mér að eilífu"

Víðir Reynis: Gætið að sóttvörnum í æfingaleikjum

Brynjólfur Andersen: 'Darri' er alveg farið

Óskar eftir 7-1 sigur: Munurinn að núna nýttum við færin

„Legg það ekki í vana að tjá mig um það sem misgáfaðir menn segja"

Gústi Gylfa: Þeir setja hjartað í leikinn

Óli Kristjáns: Söknuðum Morten

Brynjar Björn: Frábært að fá Gumma Júl til baka

Gummi Júl: Geðveikt að ná 28 mínútum

Venni: Höfum lagt meira á okkur í ár - Markmiðið að fara upp

Bjössi Hreiðars: Gott að venjast því að vinna leiki

Jón Þór: Græt mig ekki í svefn

Kjartan Stefáns: Liðið að smella ágætlega saman

Berglind Rós: Ég er mjög spennt fyrir sumrinu

Veðrið í desember og janúar gert Leiknismönnum erfitt fyrir

Óskar eftir 3-1 sigur: Fannst við ekki sérstaklega góðir

þri 03. september 2019 12:39

@elvargeir

Elvar Geir Magnússon

Hannes: Búinn að eyða öllu út úr símanum mínum

Hannes Þór Halldórsson.

Mynd: Fótbolti.net - Hafliði Breiðfjörð

„Ég er búinn að eyða öllu út úr símanum mínum og les ekki neitt og heyri ekki neitt. Ég lifi í þægilegri búbblu. Auðvitað veit ég hvenær ég spila vel og hvenær ég spila illa. Mér hefur fundist frammistaðan vera betri en umræðan hefur verið. Auðvitað eru móment hér og þar sem mega fara betur. Síðasti leikur var áberandi og leiðinleg mörk þar sem við fengum á okkur," sagði Hannes Þór Halldórsson, markvörður Vals við Fótbolta.net í dag fyrir æfingu íslenska landsliðsins.

Hannes hefur fengið talsverða gagnrýni fyrir frammistöðu sína með Val í sumar, til að mynda eftir síðasta leik gegn ÍBV. Hann er nú á leið í verkefni með íslenska landsliðinu gegn Moldavíu og Albaníu.

„Ég er kominn með doktorsgráðu í því að skilja við erfiða tíma hjá félagsliðum og standa vaktina og vinna leiki með landsliðinu. Það hefur verið viðloðandi landsliðið að það hefur alltaf verið bras hjá félagsliðunum, hjá Sandnes, Randers og núna Val. Það hefur ekki haft áhrif á landsliðsverkefnin. Þetta er allt annað dæmi að spila landsleiki og vera bara með tvo leiki sem þú ert að fókusa á og þarft að skila úrslitum. Þú breytir um umhverfi og maður smellur inn í stemninguna. Þetta hefur gengið vel hingað til og mun gera það áfram."

„Það er partur af okkar vinnu að maður þarf að leiða hjá sér öfgakennda umræðu. Það er yfirleitt þannig að þú ert ekki eins lélegur eins og fólk vill meina eftir tapleiki og heldur ekki eins góður og fólk segir eftir sigurleiki. Þetta er þarna mitt á milli. Mótlæti og velgengi koma í bylgjum og við þurfum að standa í lappirnar og vinna okkar vinnu. Það er mikilvægt fyrir mig að ætla ekki að sanna eitthvað heldur sinna minni vinnu og eiga við mómentin eins vel og ég get í leiknum. Það skilar vonandi einhverju í leiknum."

Hér að ofan má sjá viðtalið í heild sinni.

Athugasemdir

Nýjustu fréttirnar