Ange Postecoglou þjálfari Tottenham svaraði spurningum eftir 1-0 tap á útivelli gegn Bournemouth í kvöld.
Tottenham virtist ekki eiga nein svör gegn Bournemouth sem hefði hæglega getað unnið leikinn með tveggja eða þriggja marka mun ef ekki fyrir Fraser Forster sem stóð sig vel á milli stanganna.
„Við byrjuðum vel en fengum slappt mark á okkur. Þetta er erfiður völlur heim að sækja og sérstaklega þegar maður gefur andstæðingunum svona mark á silfurfati. Þetta eru mikil vonbrigði fyrir okkur, við komum hingað til að sigra. Við vissum að við værum að mæta erfiðum andstæðingum en samt leyfðum við þeim að taka forystuna og refsa okkur," sagði Postecoglou.
„Við þurfum að vera ákveðnari og grimmari sem lið. Við megum ekki leyfa andstæðingunum að taka stjórn á leiknum með þessum hætti. Við byrjuðum báða hálfleiki vel, við vorum við stjórn, en misstum svo dampinn.
„Við erum sjálfum okkur verstir, við skjótum okkur alltof oft í fótinn þegar við ættum að stjórna leikjum. Við höfum gert þetta oft áður í haust þar sem við erum að spila betur heldur en andstæðingarnir, gefum þeim svo mark og endum á að tapa leiknum.
„Ég skil að stuðningsmenn séu ósáttir. Þeir eiga fullan rétt á því. Við þurfum að gera betur í næstu leikjum, það eru mikilvægir leikir framundan í erfiðri leikjatörn."
Tottenham er um miðja deild, með 20 stig eftir 14 umferðir.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 36 | 24 | 7 | 5 | 68 | 26 | +42 | 79 |
| 2 | Man City | 35 | 22 | 8 | 5 | 72 | 32 | +40 | 74 |
| 3 | Man Utd | 36 | 18 | 11 | 7 | 63 | 48 | +15 | 65 |
| 4 | Liverpool | 36 | 17 | 8 | 11 | 60 | 48 | +12 | 59 |
| 5 | Aston Villa | 36 | 17 | 8 | 11 | 50 | 46 | +4 | 59 |
| 6 | Bournemouth | 36 | 13 | 16 | 7 | 56 | 52 | +4 | 55 |
| 7 | Brighton | 36 | 14 | 11 | 11 | 52 | 42 | +10 | 53 |
| 8 | Brentford | 36 | 14 | 9 | 13 | 52 | 49 | +3 | 51 |
| 9 | Chelsea | 36 | 13 | 10 | 13 | 55 | 49 | +6 | 49 |
| 10 | Everton | 36 | 13 | 10 | 13 | 46 | 46 | 0 | 49 |
| 11 | Fulham | 36 | 14 | 6 | 16 | 44 | 50 | -6 | 48 |
| 12 | Sunderland | 36 | 12 | 12 | 12 | 37 | 46 | -9 | 48 |
| 13 | Newcastle | 36 | 13 | 7 | 16 | 50 | 52 | -2 | 46 |
| 14 | Leeds | 36 | 10 | 14 | 12 | 48 | 53 | -5 | 44 |
| 15 | Crystal Palace | 35 | 11 | 11 | 13 | 38 | 44 | -6 | 44 |
| 16 | Nott. Forest | 36 | 11 | 10 | 15 | 45 | 47 | -2 | 43 |
| 17 | Tottenham | 36 | 9 | 11 | 16 | 46 | 55 | -9 | 38 |
| 18 | West Ham | 36 | 9 | 9 | 18 | 42 | 62 | -20 | 36 |
| 19 | Burnley | 36 | 4 | 9 | 23 | 37 | 73 | -36 | 21 |
| 20 | Wolves | 36 | 3 | 9 | 24 | 25 | 66 | -41 | 18 |
