Hörður Björgvin Magnússon.
Íslenska landsliðið gerði 1-1 jafntefli gegn Albaníu er liðin mættust í kvöld á Laugardalsvelli. Hörður Björgvin Magnússon var valinn maður leiksins af Fótbolta.net en hann var mjög traustur aftast í liði Íslands.
„Það var svekkelsi að fá markið á okkur í fyrri hálfleik. Það er eins og við þurfum að fá mark á okkur til að komast aftur inn í leikinn og gera einhverjar rósir. Það eru við sem sköpuðum okkur hættulegri færi þannig svekkjandi að hafa ekki tekið sigurinn heim."
„Það var svekkelsi að fá markið á okkur í fyrri hálfleik. Það er eins og við þurfum að fá mark á okkur til að komast aftur inn í leikinn og gera einhverjar rósir. Það eru við sem sköpuðum okkur hættulegri færi þannig svekkjandi að hafa ekki tekið sigurinn heim."
Lestu um leikinn: Ísland 1 - 1 Albanía
„Þeir náttúrulega voru búnir að spila eins og handboltamenn, búnir að fara í hornin og miðsvæðið og síðan ná þeir skoti. Ég held að mistökin hafi verið að við tókum ekki seinni boltann sem Rúnar varði. Við þurfum bara að skoða þetta og læra af því."
Íslenska liðið kom töluvert beittara inn í síðari hálfleikinn og var Hörður Björgvin spurður hverju liðið hafi breytt inn í síðari hálfleikinn en jöfnunarmarkið kom snemma í síðari hálfleik þegar Jón Dagur Þorsteinsson skoraði með skoti úr teignum.
„Við föttuðum hvernig við áttum að pressa þá, við fengum meiri kraft úr klefanum hvernig við ætluðum að gera þetta. Það komu ferskar lappir inn sem gerðu vel og það breytti heilmiklu í spilinu okkar."
Allt viðtalið má sjá hér að ofan.
Athugasemdir
