Á morgun þriðjudag mætast Lettland og Ísland í undankeppni EM kvenna en leikurinn verður klukkan 17:00 að íslenskum tíma. Íslenska liðið er mun hærra skrifað en það lettneska og stelpurnar okkar eru staðráðnar í að tryggja sér þriðja sigurinn í jafnmörgum leikjum.
„Við höfum verið saman í nokkra daga og ég held að það hjálpi okkur fyrir þetta verkefni," segir Elín.
Það er mikil leikreynsla í íslenska hópnum og Elín segir að það komi sér að sjálfsögðu vel að leikmenn hafi spilað lengi saman þekki hvor aðra út og inn.
„Auk þess erum við svo miklar vinkonur að það hjálpar líka."
„Maður veit ekkert fyrirfram hvernig leikirnir þróast en við getum gefið okkur það að við verðum meira með boltann í þessum leik en til dæmis í síðasta leik gegn Frökkum. Það er geggjað fyrir sóknarmenn."
Viðtalið má sjá í heild í sjónvarpinu hér að ofan en þar tjáir Elín sig meðal annars um að það sé sérstök gulrót að lokamót EM verði haldið á Englandi.
Athugasemdir
