Ísak Bergmann Jóhannesson og Valgeir Lunddal Friðriksson voru báðir í byrjunarliði Dusseldorf þegar liðið mætti Braunschweig í næst efstu deild í Þýskalandi í dag.
Staðan var 3-0 í hálfleik en Ísak kom Dusseldorf í 2-0 eftir tíu mínútna leik. Hann skoraði svo fjórða mark liðsins en lokatölur urðu 5-0.
Þetta var svo sannarlega kærkominn sigur þar sem liðið hafði ekki náð í sigur í síðustu fimm leikjum. Liðið er í 5. sæti með 25 stig eftir 15 umferðir.
Fyrra mark Ísaks
Seinna mark Ísaks
Davíð Kristján Ólafsson spilaði allan leikinn þegar Cracovia gerði markalaust jafntefli gegn Piaast Gilwice í pólsku deildinni í dag. Cracovia er í 4. sæti með 31 stig eftir 18 umferðir.
Brynjólfur Willumsson tókst ekki að setja mark sitt á leikinn þegar hann kom inn á sem varamaður undir lokin þegar Groningen gerði markalaust jafntefli gegn Zwolle í efstu deild í Hollandi. Groningen er í 13. sæti með 16 stig eftir fimmtán umferðir.
