Hallgrímur Jónasson.
Kent Nielsen, nýr þjálfari danska liðsins OB, hefur ákveðið að gera fyrirliðabreytingu. Ari Freyr Skúlason var fyrirliði liðsins en annar Íslendingur, Hallgrímur Jónasson, tekur við bandinu.
Nielsen segir á heimasíðu félagsins að það sé engin dramatík í kringum þessa breytingu og Ari hafi sýnt breytingunni skilning.
„Ég hef ekki á nokkurn hátt verið óánægður með Ara og hann er nú varafyrirliði. Ég tel að Hallgrímur henti betur sem fyrirliði. Hann er gríðarlega leiðandi á æfingum og góð fyrirmynd," segir Nielsen.
Keppni í dönsku úrvalsdeildinni hefst eftir rúma viku.
Athugasemdir
